Skip to main content

Tjóðleikhúsið má ikki steðga upp

Endiliga er glotti at hóma hjá Tjóðleikhúsinum, sum øll hava bíðað eftir í áravís, nú samgongan júst hevur lagt uppskot fyri Løgtingið, um at fáa heimild at leita eftir fígging til tjóðleikhúsið.

Býráðið tók annars eina avgerð, og peikaði á, at tað skal liggja á Skálatrøð.  Nú tjóðleikhúsið nærkast sigur formaðurin í
vinnunevndini, at fyrst skula tey fáa skil á parkeringsviðurskiftunum í Havn, áðrenn talan kann verða at byggja tjóðleikhúsið á Skálatrøð. 
Tað vita vit hvat merkir, tí parkeringviðurskiftini verða ikki loyst við bræði tí bilatalið veksir við einum 1500 bilum um árið umframt at Eysturoyartunnilin skjótt verður liðugur.
 - og tí kann hendan útmeldingin tíverri merkja áravís av seinkingum afturat. Hettar er sum at hála teppið fyri ljósglæmuni, ið varð at hóma.

Hevði býráðið veruliga vilja eitt tjóðleikhús, so høvdu tey funnið eina hóskandi staðseting, sum flest øll høvdu kunnað livað við bæði vinna, borgarar og leikarar. Nógvir leikarar siga, at teir leggja ikki so nógv í hvar í Havn tað liggur, bara tað verður bygt skjótt. Vinnan í býnum savnar undirskriftir í hesu løtu ímóti byggingini. Nógvir borgarar ivast ella eru beinleiðis ímóti staðsetingini.
- Tí haldi eg, at skal glið koma á tjóðleikhúsið, so átti formaðurin heldur at víst á eina nýggja staðseting, heldur enn at blanda tingini saman og áleggja tjóðleikhúsinum ta vanlagnu, at fyrst skal Gordiski knúturin loysast, tí tað er júst tað parkering í Havn er. Semjist tit heldur um eina nýggja staðseting beinanvegin, soleiðis at arbeiði ikki steðgar upp.

Bjørg Dam,
Býráðlimur í Tórshavnar kommunu.

Popular posts from this blog

Eik stuðlar Stella Polaris komandi 4 árini

Óskar Eiriksson, Bjørg Dam, Ólavur Jensen, leiðari á Marknaðardeildini hjá Eik, Malan Thomsen og Uni Árting. Musikkskúlanevnd Tórshavnar Býráðs undirskrivaði hósdagin 6. oktober 2016 eina 4 ára høvuðsstuðulsavtalu við Eik um tónleikakappingina Stella Polaris. Avtalan er framhald av stuðulsavtaluni, sum Eik og Musikkskúlanevndin hava havt, síðan Stella Polaris byrjaði. Endamál Stella Polaris er kapping, sum vendir sær til børn og ungar klassiskar tónleikarar, sum hava hug og dirvi at royna seg í kapping. Kappingin Stella Polaris varð á fyrsta sinni hildin í februar 2014 og á øðrum sinni í februar 2015. Kappingin hevði bæði árini stóra undirtøku millum tónleikarar, og hetta vísir okkum, at tørvur er á slíkari kapping í Føroyum. Arbeiða við at betra konseptið.  Vit í Musikkskúlavevndini eru tí sera fegin um framhaldandi stuðulsavtaluna við Eik. Hetta ber í sær, at Stella Polaris nú er komin í eina fasta legu og er framtíðartryggjað tey næstu 4 árini. Vit arbeiða áhaldandi við at betr

Stolt foreldur!

Sum forkvinna í ADHD felagnum og vit bæði, sum avvarandi foreldur eru sera sera errin av, at fáa høvi at leggja bil til og koyra fremst í Pridini, sum var í gjár. Vit sum foreldur hjá barni við ADHD kenna væl kensluna av, at ikki kenna seg rættan, ikki nóg góðan

Áheitan um at finna pláss til og fígging til serflokkar á Skúlanum á Fløtum.

Opið bræv til Jenis av Rana, landsstýrismann í mentamálum, Hjalmar Hansen stjóra í Undirvísingarstýrinum, Gunnvør Balle forkvinnu í mentamálanevndini í Tórshavnar býráð og Sigurð Ó. Vang, deildarleiðara í mentamálanevndini í Tórshavnar kommunu. Vit í ADHD-felagnum harmast stórliga at frætta, at føroya størsti fólkaskúli sum ikki stendur liðugur enn, Skúlin á Fløtum ikki hevur serflokkar inni í skúlanum, og vilja tí heita á tykkum avvarandi mynduleikar og politikarar, um at arbeiða skjótt og finna pláss, og skipa serligt undirvísingartilboð til tríggjar serflokkar, ein til grunddeild, ein til miðdeild og ein til hádeild eftir kunngerðini frá 19.03.2019 um at skipa serligan skúla ella undirvísingartilboð. Hettar er ein syndarlig og døpur støða, tá hugsað verður um, at tað var longu í november 2013 at táverandi landsstýrismaðurin í mentamálum, Bjørn Kalsø setti ein arbeiðsbólk at endurskoða sernámsfrøðiliga økið í fólkaskúlahøpi, sum kom til ta niðurstøðu, at