Eg vil arbeiða fyri betri umstøður til smá vinnurekandi, eitt nú við at tað skal kunna lata seg gera, at tekna sjálvbodna sjúkratrygging, so sum einstaklingavirkir kunna.
Sera nógv hevur verið gjørt, fyri at lætta um íverkseting av alskyns spennandi slag seinastu árini og nattúrliga gongdin er, at vaksa úr einum ívf, einstaklingavirki ella øðrum til eitt sp/f.
Lopið er tó sera stórt, tað er sum at fara frá at grulva til at renna - uttan møguleika fyri at læra at ganga.
Lógin differentierar smápartafeløg millum tey, sum hava minni enn 2 mil. í umsetningi eitt nú við, at hesi nýtast ikki at lata granskoðaðan rokniskap inn.
Tað hevði verið skilagott, at latið hendan bólkin verið gangistigið við at lagt aðar lættar inn, so sum at kunna tekna sjálvbodna sjúkratryggin, júst sum einstaklingavirki kunna. Eru tvey í einum sp/f, so kann tann eini ikki átaka sær alt arbeiðið fyri hin, um annar gerst sjúkur!
Kringvarpsgjaldið skal lækkast munandi ella kann verða strikað.
Eisini er tað blivið kostnaðarmikið og innviklað at lata rokniskapin inn, hetta kundi verið bøtt um. Eisini skal skipanin eftirhyggjast í mun til barsil og ALS, tí tað er ov innviklað og torført at navigerað runt í, og tað kemur meir enn so fyri, at vinnurekandi koma illa fyri í skipanini.
Tí má tað verða gjøgnumskygni og møguleiki at fáa góða ráðgeving.
No comments:
Post a Comment