Skip to main content

UM MEG

Eg eri fødd í 1975 og eri gift við Høgna Egilstrøð Hansen. Saman eiga vit Gunnrið 2006, Nikael 2008 og Sofíu 2014.
Vit búgva við gomlu kolonihavahúsini á Ternuryggi í Havn, og her trívast vit væl.
 
Rættvísi, samhaldsfesti og hjálp til tíðina! 
 "Eg elski at arbeiða fyri ójavnrætti og órættvís"
 
 
Av útbúgving eri eg eksportteknikari og bachelorur í føroyskum. 
 
Í arbeiðshøpi eri eg saman við manni mínum sjálvstøðug vinnurekandi við fyritøkuni sp/f Flis, ið byrjaði í 2015, sum ein lítil spennandi grøn verkætlan, har endamálið var at gagnnýta urtagarðburturkast, heldur enn at tyrva tað.

Í dag, fæst maðurin mest við tað dagliga í Flis.fo, har hann bæði grevur, koyrir lastbil og hevur trærøkt, ímeðan eg eisini arbeiði í familjufyritøkuni Thomas Dam á Hálsi. 
 
Síðani 2019 havi eg verið forkvinna í ADHD felagnum, sum hesi árini er vaksið til eitt stórt felag við 350 limum. 
 
Í politiskum høpi havi eg verið virkin í fleiri ár, nú sum fastur býráðslimur. Áðrenn tað, havi eg verið varumboð í býráðnum og í Løgtinginum. 
Eg havi eisini verið í floksarbeiði, har eg havi sitið í nevnd í fleiri ár - eitt tíðarbil, sum forkvinna í Suðurstreymoyar Javnaðarfelag og MFS.
 
Eg taki í álvara við teimum uppgávum, sum veljarin og Javnaðarflokkurin geva mær. Hetta síggi eg sum mína evstu ábyrgd.

POLITISKT ARBEIÐI
2021 - Býráðslimur. Forkvinna í náttúru- og umhvørvisnevn, varaforkv. í trivnaðarnevnd, limur í teknisku og vinnunevnd.
2018 - 2019 býráðslimur í Tórshavnar býráð fyri Heðin Mortensen
2018 mars-apríl sæti á tingi fyri Bjarna Hammer
2018 november - apríl : sæti í Tórshavnar Býráð fyri Helenu Dam á Neystabø
2016 - 2020 1.varalimur í Tórshavnar Býráð
2012 - 2016 2. varalimur í Tórshavnar Býráð
2012 - 2016 Nevndarlimur í Suðurstreymoyar Javnaðarfelag, eitt tíðarskeið sum forkvinna.

NEVNDARARBEIÐI
 
2021 - Starvsnevndin í MEGD  
2021 - Skúlastýrið í Skúlanum á Fløtum
2021 - Skúlastýrið í Kollafjarðar skúla
2021 - Skúlastýrið í Sankta Frans skúla
2019 - Forkvinna í ADHD-felagnum
2012 - Forkvinna og limur í Suðurstreymoyar Javnaðarfelag
2012 - Barnabókmentaheiðursløn Tórshavnar Býráðs
2012 - 2016 Musikskúlanevnd Tórshavnar Býráðs
2012 - 2016 Forkvinna í foreldraráðnum í frítíðarskúlanum í Hoyvík
2007 - Foreldraráðið í býlingshúsinum á Flat
1999 - 2003 - MFS, skrivari og eitt skeið, sum virkandi forkvinna
 

 Løgtingsval 2022
 
Fólkatingsvalið 2022
 
Býráðsval 2020
 


Bjørg Dam plakatmynd løgtingsval 2019
Løgtingsval 2019

Bjørg Dam liggjandi plakat mynd løgtingsval 2019
Løgtingsval 2019




Býráðssval Bjørg Dam 2016 javnaðarflokkurin
Býráðsvalið 2016
Fólkatingsval Bjørg Dam 2015
Fólkatingsvalið 2015
Býráðssval Bjørg Dam 2015 javnaðarflokkurin
Løgtingsvalið 2015
Býráðssval Bjørg Dam 2012  javnaðarflokkurin
Býráðsvalið 2012

Popular posts from this blog

Eik stuðlar Stella Polaris komandi 4 árini

Óskar Eiriksson, Bjørg Dam, Ólavur Jensen, leiðari á Marknaðardeildini hjá Eik, Malan Thomsen og Uni Árting. Musikkskúlanevnd Tórshavnar Býráðs undirskrivaði hósdagin 6. oktober 2016 eina 4 ára høvuðsstuðulsavtalu við Eik um tónleikakappingina Stella Polaris. Avtalan er framhald av stuðulsavtaluni, sum Eik og Musikkskúlanevndin hava havt, síðan Stella Polaris byrjaði. Endamál Stella Polaris er kapping, sum vendir sær til børn og ungar klassiskar tónleikarar, sum hava hug og dirvi at royna seg í kapping. Kappingin Stella Polaris varð á fyrsta sinni hildin í februar 2014 og á øðrum sinni í februar 2015. Kappingin hevði bæði árini stóra undirtøku millum tónleikarar, og hetta vísir okkum, at tørvur er á slíkari kapping í Føroyum. Arbeiða við at betra konseptið.  Vit í Musikkskúlavevndini eru tí sera fegin um framhaldandi stuðulsavtaluna við Eik. Hetta ber í sær, at Stella Polaris nú er komin í eina fasta legu og er framtíðartryggjað tey næstu 4 árini. Vit arbeiða áhaldandi við at betr

Áheitan um at finna pláss til og fígging til serflokkar á Skúlanum á Fløtum.

Opið bræv til Jenis av Rana, landsstýrismann í mentamálum, Hjalmar Hansen stjóra í Undirvísingarstýrinum, Gunnvør Balle forkvinnu í mentamálanevndini í Tórshavnar býráð og Sigurð Ó. Vang, deildarleiðara í mentamálanevndini í Tórshavnar kommunu. Vit í ADHD-felagnum harmast stórliga at frætta, at føroya størsti fólkaskúli sum ikki stendur liðugur enn, Skúlin á Fløtum ikki hevur serflokkar inni í skúlanum, og vilja tí heita á tykkum avvarandi mynduleikar og politikarar, um at arbeiða skjótt og finna pláss, og skipa serligt undirvísingartilboð til tríggjar serflokkar, ein til grunddeild, ein til miðdeild og ein til hádeild eftir kunngerðini frá 19.03.2019 um at skipa serligan skúla ella undirvísingartilboð. Hettar er ein syndarlig og døpur støða, tá hugsað verður um, at tað var longu í november 2013 at táverandi landsstýrismaðurin í mentamálum, Bjørn Kalsø setti ein arbeiðsbólk at endurskoða sernámsfrøðiliga økið í fólkaskúlahøpi, sum kom til ta niðurstøðu, at

Stolt foreldur!

Sum forkvinna í ADHD felagnum og vit bæði, sum avvarandi foreldur eru sera sera errin av, at fáa høvi at leggja bil til og koyra fremst í Pridini, sum var í gjár. Vit sum foreldur hjá barni við ADHD kenna væl kensluna av, at ikki kenna seg rættan, ikki nóg góðan