UM MEG

Eg eri fødd í 1975, eri gift við Høgna Egilstrøð Hansen. Saman eiga vit Gunnrið 2006, Nikael 2008 og Sofíu 2014.

Vit búgva við gomlu kolonihavahúsini á Ternuryggi í Havn, og her trívast vit væl.

Eg vaks upp úti við Støðna á Argjum saman við foreldrum og 3 eldri systrum. Eg gekk í Nonnuskúlanum og sleit ein part av mínum barnaskóm uppi í Hoydølum, har omma og abbi mín búðu.

Eg havi altíð verið aktiv sum skóti, í flogbólti og fótbólti.

Javnrættur, trivnaður & náttúra

"Eg elski at arbeiða fyri at øll skula fáa somu møguleikar"

Av útbúgving eri eg eksportteknikari og bachelorur í føroyskum.

Eg starvist í familjufyritøkuni Thomas Dam á Hálsi. Eisini eri eg sjálvstøðug vinnurekandi við fyritøkuni sp/f Flis, ið byrjaði í 2015, sum ein lítil spennandi grøn verkætlan, har endamálið var at gagnnýta urtagarðburturkast, heldur enn at tyrva tað.

Maðurin siglir í Norra, men fæst eitt sindur við at koyra lastbil, gravmaskinu og trærøkt, tá hann er heima.

Síðani 2019 havi eg verið forkvinna í ADHD felagnum, sum hesi árini er vaksið úr 28 limum til 650 limum í 2024.

Í politiskum høpi havi eg verið virkin í fleiri ár, nú sum fastur býráðslimur. Áðrenn tað, havi eg verið varumboð í býráðnum og í Løgtinginum.

Eg havi eisini verið í floksarbeiði, har eg havi sitið í nevnd í fleiri ár - eitt tíðarbil, sum forkvinna í Suðurstreymoyar Javnaðarfelag og MFS.

Eg taki í álvara við teimum uppgávum, sum veljarin og Javnaðarflokkurin geva mær. Hetta síggi eg sum mína evstu ábyrgd.

POLITISKT ARBEIÐI

2021 - Býráðslimur. Forkvinna í náttúru- og umhvørvisnevn, varaforkv. í trivnaðarnevnd, limur í teknisku og vinnunevnd.
2018 - 2019 býráðslimur í Tórshavnar býráð fyri Heðin Mortensen
2018 mars-apríl sæti á tingi fyri Bjarna Hammer

2018 november - apríl : sæti í Tórshavnar Býráð fyri Helenu Dam á Neystabø

2016 - 2020 1.varalimur í Tórshavnar Býráð

2012 - 2016 2. varalimur í Tórshavnar Býráð
2012 - 2016 Nevndarlimur í Suðurstreymoyar Javnaðarfelag, eitt tíðarskeið sum forkvinna.

NEVNDARARBEIÐI

2021 - Starvsnevndin í MEGD

2021 - Skúlastýrið í Skúlanum á Fløtum

2021 - Skúlastýrið í Kollafjarðar skúla

2021 - Skúlastýrið í Sankta Frans skúla

2019 - Forkvinna í ADHD-felagnum
2012 - Forkvinna og limur í Suðurstreymoyar Javnaðarfelag

2012 - Barnabókmentaheiðursløn Tórshavnar Býráðs

2012 - 2016 Musikskúlanevnd Tórshavnar Býráðs

2012 - 2016 Forkvinna í foreldraráðnum í frítíðarskúlanum í Hoyvík