Bjørg Dam, politikari

Við 1500 starvsfólkum í kommununi, skal bera til, at seta eina fjøltáttaða starvsvenjingarskipan á stovn. Eitt samstarv millum ALS og kommununa skal geva arbeiðsleysum starvsvenjing í umsitingin og á kommunalum stovnum. Hettar skal verða við til at lata eina hurð upp til arbeiðsmarknaðin. Nýggj tiltøk sum Vakstrarhúsið í Sandavági, sum er ein sólskynssøga, kunna vit arbeiða víðari við. Soleiðis hjálpa vit teimum arbeiðsleysu og fáa gagnnýtt føroyska tilfeingið. Arbeiðsskerd skula í størri mun fáa arbeiðstilboð frá kommununi. Við arbeiðsroyndum er nógv lættari at fáa arbeiði á privata marknaðinum. Vit muga tora at ganga nýggjar leiðir, fyri at seta gongd á og gagnnýta tilfeingi. Les fleiri greinar á  http://bjorgdam.blogspot.com Bjørg Dam Valevni Javnaðarfloksins í Tórshavnar kommunu.

Tað hevur verið nógv heitt á býráðslimirnar um at "bekjenna kulør" hvat viðvíkir hundamálinum í kommununi. Hettar er eitt mál, sum eg taki í fullum álvara. 3 hvørt húskið í kommununi hevur hund, og tey gjalda skatt sum øll onnur. Sjálvandi skula vit hava tilboð til hudaeigarar og virðiligt samstarv. Prógvað er, at børn sum eldri trívast betur, hava betur heilsu og koma meira út. Tí skal kommunan syrgja fyri virðiligum karmum. Eitt fríøkið niðri í miðbýnum er ein sjálvfylgja. Nógv eldri búgva har, vit vilja hava lív í – eisini hundalív . Allir aðrir býir klára hesa uppgávu saman við hundafeløgum, tað gera vit eisini. Les fleiri greinar á  http://bjorgdam.blogspot.com Bjørg Dam Valevni Javnaðarfloksins í Tórshavnar kommunu.

BÝRÁÐSVALIÐ 2012 4 ár í TUTL hava givið mær sera gott innlit í tónleikavinnu, plátufelagsvinnu og tónleik sum list. Eg meini, at hava víst í verki, at eg kann verða við at skapa karmar fyri tónleikavinnuna í Føroyum. Við tónleikinum ætli eg, at Reinsaríið skal verða eitt kraftsentur har tónleikavinnan og tónlistin sameinast og samstarvar fyri at røkka útheiminum og ferðavinnuni. Mínar ætlanir skula skapa: Lív í miðbýin Meirsølu av fløgum og merchendise Meirvirði til ferðavinnuna Eitt tónlistasavn - Musikkmusée (les grein á  http://bjorgdam.blogspot.dk/ ) Music Inform Centre = tónleikaútflutningsskrivstovu Ein "Whats on" portal Booking Politikarar skula skapa karmar so tónleikarar skula spæla tónleik. Vit skula lurta við báðum oyrum og finna felags stev við serkunnleikan. Eg veit hvat skal til fyri at selja og skapa grundarlag fyri tónleik sum vinnuveg. Les fleiri greinar á  http://bjorgdam.blogspot.com/ Bjørg Dam

Hendan greinin varð skrivað til BÝRÁÐSVALIÐ 2012 - men er eins aktuell í dag - tí deili eg hana enn einaferð við tykkum.  Hugsa tær, hvat ein nýggj kókibók við 100 nýggjum spennandi, heilsugóðum og eldri uppskriftum við alskyns seyðarættum vildi gjørt fyri eftirspurninginum av seyðakjøti og avroðum? Eg viðgangi, tað er ein avbjóðing at fáa økonomi í føroyska tilfeingið, tí marknaðurin er lítil og avmarkaður, og brandingin fyri føroyskum vørum stendur sera veik ímóti kappingini við útlendskar vørur, marknaðarføring og brúksmynstur. Føroyska vinnan ger veruliga sítt til, men vit muga arbeiða á øllum stigum, fyri at økja eftirspurninginum. Vit skula brúka tey politisku amboðini til at kveikja medviti fyri føroyska tilfeinginum. Vit skulu raðfesta og taka atlit til tilfeingið í politiskum avgerðum. Upplýsa í barnagørðum, skúlum, lærubókum og faldarum. Ráðstevnur, festivalar og nýskapanartiltøk skula stuðlast. Kommunan skal hava eina vinnudeild, sum er við at skapa røttu

Kostpolitikkur er eitt ræðsluorð, sum fær nógv at stúrsa við, tí tey ímynda sær lógir og paragraffir smoygdar niður um herarnar. Mín sannføring er, at politikkur anno 2012 skal eisini taka støði í upplýsing, samskifti og samstarvi, heldur enn einvegis valdsstýring. Allar avgerðir hava jaliga ávirkan á summi og neiliga ávirkan á onnur. Politikarar eiga at hoyra allar bólkar sum verða ávirkaðir og fakfólkini á økinum, fyri at finna ta bestu loysnina. Samskifti tryggjar eisini at loysnirnar virka í praksis. Tað manglar ein yvirskipaður kostpolitikur í Tórshavnar kommunu á barnaansingarøkinum. Í dag letur fuglur við hvør sínum nevi, so at siga. Ein stovnur fylgir einum leisti og ein annar einum øðrum. Sum foreldur muga vit hava trygd fyri, at børn okkara fáa heilsugóðan kost, og dentur verður lagdur á góðar ráðvørur. Ein kanning herfyri vísti, at alt fleiri føroysk børn viga ov nógv og at fyribyrging og góðir matvanar eiga at verða sett inn tíðliga, helst áðrenn børnini eru 4 ár. Sum

Í fýra ár, havi eg arbeitt við hesari ætlan, sum gevur føroyskum tónleiki karmar at mennast, seljast og umboðast á alra bestan hátt. Tórshavnar kommuna fær eina unika ferðavinnuuppliving og Miðbýurin fær lív.   Eg síggi fyri mær ein livandi tónlistaverkstað við dansiringi, videoinnstalatiónum, framsýning, tónleikaverkstaði, spælistaði og frásøgu. Eitt stað, har tónleikurin, tónleikamentanin og søgan rundan um kvæðini og føroyska dansin rennur saman í eina fantastiska uppliving. Har tónleikarar hava ein pall at sýna fram sína list og tónlistin fær karmar og rúmd. Tónleikur er grundarsteinurin í føroyska samfelagnum.  Í Føroysk bókmentasøgu, NÁM 2011, eftir Malan Marnersdóttir og Turið Sigurðardóttir stendur soleiðis at lesa: ”Dansur var miðilin, sum skaldskapur í bundnum máli fyrst og fremst livdi í og varð varðveittur ígjøgnum. Kvøðing og dansur hoyra saman men kvæðini eru tað avgerandi, og dansurin er ikki til uttan tey. .......//.....Við tí stóra plássi, sum dansurin hevur havt í

Var á stak væleydnaðum veljarafundi í Café Chill í Kollafirði fyrr í vikuni. Tað er áhugavert at hoyra, hvørjar avbjóðingar langa bygdin hevur at dragast við. Serliga eru tað hesi mál, ið fylla nógv: at tryggja vegirnar við bungum og gongubreytum, grundstykkir, hegnssýn, vetrarfriðing, nýggjan barnagarð, og so varð staðiliga mælt frá, at leggja eina oljuhavn á Signabø. Kollfirðingar stilla eingi órímilig ella marglætis krøv, hettar eru grundleggjandi tørvir sum tryggja ferðslu á vegnum, framtíðar búsetingar og urtagarðsfrið. Sæð út frá einum tilfeingis sjónarhornið, so er Kollafjørður ein gomul bóndabygd og hevur sjálvsagt nógv mattilfeingið. Bøndur flest dragast við somu avbjóðingar sum eitt nú tiltikna eu-direktivið, og tað, at fólk vilja nærum bara keypa gongulimir.  Síðir, høvd, blóð, skinn, horn, tálg v.m verður sum oftast burturbeint. Eg ynski, at vit fara at gagnnýta allan seyðin sum hann er, eisini neytini, tarskálvarnar, fuglarnir, harurnar osf. Tað sum ikki kann etast sum

Hesi ráð eigur ein klókur maður, sum herfyri hugleiddi um politikarar. Hann sipaði til, at ein góður politikari skal lurta tvífalt so nógv sum hann skal tosa. Sum uppstillað meini eg, at tað er sera týdningarmikið, at veljarin fær eina góða lýsing av valevnunum, so veljarin hevur annað enn heitar ballónir at grunda atkvøðuna á. Í hesari greinini fari eg at lýsa meg sjálva, politisk sjónarmið og mína áskoðan um tilfeingi. Um Meg Eg eiti Bjørg Dam, eri 36 ár og uppvaksin á Argjum.Saman við manninum Høgna Egilstrøð Hansen eiga vit ein drong sum er 4 ár og eina gentu sum er 6 ár. Vit búgva á Ternuryggi í Havn. Varð útbúgvin Eksportteknikari í 2004 og eri júst farin á Setrið, at nema mær kunnleika um føroyskt mál, mentan og bókmentir. Eisini eri eg sjálvstøðug vinnurekandi og havi millum annað staðið fyri sølu- og marknaðarføring í TUTL í knapt 4 ár.  Havi íðkað fleiri ítróttargreinar, seinastu árini tó mest flogbólt, svimjing og renning. Politisk sjónarmið Tað hevur

Soleiðis hevur tað altíð verið, at eitt og sama róðrarfelag hevur staðið fyri Ólavsøkukappróðurinum og sostatt fingið allar inntøkurnar. Hini róðrarfeløgini hava úrslitaleyst roynt í fleiri ár, at sleppa upp í part. Á bygd hava tey í áratíggju haft eina solidariska rotatiónsskipan, har bygdirnar skiftast um at skipa fyri stevnunum. Sum valevnið fyri Javnaðarflokkin fari eg sjálvandi, at arbeiða fyri javnstøðu, eisini millum ítróttarfeløg. Hetta málið er viðkvæmt og hevur røtur langt aftur í tíðina. Viðhvørt má man eftirhyggja skipanunum og og spyrja, hví man ger sum man ger, og ikki bara gera tingini, tí soleiðis plagar man at gera! Tí skal málið kannast væl og virðiliga, og um talan veruliga er um ójavnrætt, fari eg at taka hettar málið upp á beinanvegin, so vit fáa eina skjóta loysn, vónandi longu komandi Ólavsøku. Um tað blívur ein árlig rotatiónsskipan sum úti á bygd, ella um feløgini skula samstarva um Ólavsøkuna, tað er ein knútur sum kommunan og Tórshavnar Ítróttarráð, sum

Hvat hava hesi til felags? - Hettar er føroyskar vørur, sum eru tilvirkaðar av bóndum, tónleikarum, sniðgevum, rithøvundum, listarfólkum, handverkarum, skiparum, kokkum og øðrum føroyingum við hugflogi, dirvi og áræði. Tá vit hoyra um tilfeingi, so er tað aloftast fiskur ið umræður. Hvussu er við øllum hinum tilfeinginum vit eiga - seyður, handverk, listarfólk, tónleikur, mál, avgrøði, neyt, osf. Hvør talar fyri og verjir tey í politiska rúminum? Tórshavnar kommuna eigur serliga nógv kreativ og virkisfús fólk, og tey skula vit fjálga um, ráðgeva og menna. Við einari støðugt vaksandi ferðavinnu, veksur marknaðurin fyri føroyskum vørum eisini. Tí eigur kommunan at fáa vinnudeildina upp at koyra beinanvegin, og fara ígongd við ein menningarætlan fyri ferðavinnu og føroyskt tilfeingi, rávøru og íverksetan. Sum eg havi skrivað áður í greinini "  Teknisk forðing ímóti føroyskari matmentan, burtur nú! " so er tað átrokandi, at lógarverkið innan matvøruframleiðslu verður ti

Her eru míni virðir og mál, sum er grundarlag fyri mítt arbeiði og støðutakan. Sum veljari kanst tú  føla teg tryggan við at velja meg, um tú ert samd/ur við mínum grundvirðunum. Tórshavnar kommuna, har øll viðurkennast, trívast, mennast og rúmast. Tað skal verða lætt at flyta til, gott og trygt at búgva í Tórshavnar kommunu. Vit skula fjálga um barnafamiljur, einligar forsyrgjarar, tey við serligum tørvi og tey veikastu í samfelagnum. Útvega fjølbroytt bústaðartilboð, eitt nú lutaíbúðir, lestraríbúðir, eldraíbúðir og íbúðir til brekaði. Tryggja trivna, fjøltáttaðan ítrótt, musikkskúla, kvøldskúlatilboð og ungdómshús. Tað skal verða trygt at ganga og súkkla í kommununi. Ungdómurin skal viðurkennast, kveikjast og hoyrast. Havnin skal hava eitt ríkt lestrar- og granskingarumhvørvið. Vit skula virðismeta lívsroyndir okkara elstu borgarum, og skapa virðiligar karmar bæði fyri virkin og óhjálpin. At verða í náttúruni og á sjónum er týdningarmikil rættur, tí sk

Herfyri var ein kanning, sum Gigni og Granskingardepilin fyri Samfelagsmenning hava staðið fyri, sum avdúkaði, at føroysk børn eru alt og tjúk. Sama kanning vísir, at fyribyrging og góðir matvanar eiga at verða sett inn tíðliga, helst fyri barnið er 4 ára gamalt. Tórshavnar Kommuna rekur flestu stovnarnar har børnini eru í dagtímunum, tí eigur kommunan eisini ein lut í tjúkku børnunum. Yvirfiti er ein stórur fysiskur og kensluligur trupulleiki fyri børnini, sum oftari verða happaði, líða undir sosialari isolatión og fáa lágt sjálvvirðið. Tey eru eisini í nógv størri vanda at fáa lívstílsjúkur, tí er hettar eisini ein samfelagstrupulleiki í væntu. Í dag avgera stovnarnir hvør í sær, hvønn matpolitikin teir føra. Summir stovnar leggja stóran dent á heilsugóðan kost, ímeðan aðrir ikki hava nakra tilvitaða kostætlan. Hettar er ikki gott nokk. Hagtølini eru ræðandi og vit svíkja hesir minstu borgarar, við ikki at taka ábyrd. Tí eigur kommunan, sum tað minsta, at hava ein kostráðgeva sum

Herfyri var aftur eitt álop á okkara tilfeingi og matmentan. Kræsnir gourmetkokkar høvdu keypt av tí besta neytakjøtinum av Sandi, men tað var ikki flett eftir EU reglugerð. Myndugleikarnir legði hald á kjøtið, sum endaði í brenniovninum á Sandvíkarhjalla.   At ein EU paragraff av onkrari orsøk er komin í gildi her, er ein teknisk forðing fyri at útvinna okkara egnu rávøru, og spennir bein fyri siðbundnu matmentanini.   Krøvini fyri at hagreiða og selja kjøt og grønmeti muga verða rímilig, soleiðis at tey eru til at lúka. Vit mugu hava eina góðskuskipan, sum er tilpassað føroysku viðurskiftunum. Ikki stórvinnu í EU. Ráðvøra er so grundleggjandi í okkara kosti, tí er tað okkara rættur sum forbrúkarar, at avgera, um vit vilja keypa føroyska vøru ella EU-stemplaða. Øll argument tala fyri, at vit skula eta lokalan mat. Tað er betri fyri umhvørvið, skapar arbeiði, fjølbroytni, styrkir okkara sjálvsfatan og tryggjar sjálvbjargni. Tórshavnar Kommuna umboðar meir enn 2/5 av landsins íbúgvum, e