Bjørg Dam, politikari

 Vit eru í líknandi paradigmuskfti nú við ADHD, sum tá CTD var funnið. Tá orsøkin til fleiri deyðsføll kundi forklárast við ókendu sjúkuni CDT, har tey sjúku manglaðu karnitin, tá broyttist mannagongdir, hugburður, diagonoserings- og viðgerðarháttir innan heilsuverkið næstan eftir einum degi. Politikarnir avgjørdi tá, at nýgga vitanin og viðgerðin kundi bjargað lívum, og tí skuldi øll tey sjúku finnast og í viðgerð. Tí fingu allir føroyingar í boðið at lata seg kanna. Hagfrøðin metti, at umleið 1 út av 650 føroyingum hava CTD og tí visti man, hvussu nógv man leitaði eftir.   Seinastu árini er vitanin innan ADHD, har tey sjúku mangla dopamin, blivin so góð at við viðgerð kunnu øll fáa eitt munandi betri lív. Børn kunnu hjálpast so væl, at tey flestu kunnu fáa eitt normalt og gott lív. WHO metir, at 5% av børnum og 2,5% av vaksnum hava ADHD. Fylgjurnar av óviðgjørdum ADHD eru niðursett lívsgóðska og í meðal 15 ára styttri livialdur vegna fylgjum sum angist, tunglyndi, sjálvmedisinering,

  Tað er tað, sum tú gert ímillum valini, ið telur, sigst! Eg elski, at arbeiða fyri hjartasakum - serliga tá tað ger mun hjá fólki og hoyrist og sæst aftur í samfelagnum! - Var stolt tá Løgmaður umrøddi ADHD í ólavsøkurøðuni. Eg eri stolt, tá eg fái messengerboð um at sjálvhjálparbólkurin, er tað besta sum er hent sær! -At síggja mítt arbeiði gera mun, gevur áræði at halda áfram ! -Í býráðnum kann eg byggja víðari á arbeiði við børnum og familjum við serligum tørvi. Eisini fari eg at gera tað sama fyri umhvørvið: risa fet á grønu leiðini, betri skiljing og endurnýtslu og hugburðbroytingar. Eg havi orku og drívmegina til at fremja úrslit skjótt, men tað krevur tín stuðul í morgin. Vel meg ella annað gott umboð á lista C. Les meir á : www.Bjørgdam.fo Bjørg Dam Valevnið Javnaðarfloksins til býráðið í Tórshavnar kommunu

Eitt 35.000m2 stórt vinnustykkið átti at staðið liðugt á Gomlu rætt í næstum. Ístaðin slær veruleikin okkum á kjaftin nú 30.000 tungt lessaðir lastbilar bókstaviligt fara at koyra vinnustykkið forbí Havnina áveg til Runavíkar. Tú skalt minnast til, at Tórshavnar kommuna var í realitetssamráðingum við Tunnilsfelagið um, at grótið skuldi brúkast til eitt 35.000 m2 stórt vinnuøkið, sum skuldi liggja í framhaldi av Gomlurætt norðeftir. Tað vórðu bert 1,5 mil. ímillum Tunnilsfelagið og Tórshavnar kommunu, tá Tórshavnar kommuna bakkaði út. Við hesum, mistu vit eitt stórt og nógv eftirspurt vinnuøkið, umframt allan skaðan, uppfyllingin í Velbastað hevur gjørt og nú, lastbilarnir fara at elva. Ístaðin flyta vinnur úr Havnini, tí eingi nýgg vinnustykkir eru gjørd! Ein stór fyritøka, sum eg havi samband við leitaði í kommununi í nógv ár, nú hevur hon fingið gott vinnustykkið á Sandoynni. Hettar ber ikki til! - Kanst tú ikki veita vinnuni karmar og góðar treytir at virka undir, so flytir hon. Und

  Mánadagin fara børn við avbjóðingum at standa uttan námsfrøðiligar stuðlar í skúlunum, tí Pedagogfelagið rættir eina bróðurhond til systirfelagið. - Børnini í serflokkum og børn við stuðlum, eru ein útsettur bólkur, sum tolir illa broytingar í gerandisdegnum. -Vit skula tí ikki koma hartil mánadagin.   Løtan er her og nú, at javnseta løn, útbúgving og kyn.  

Heildarætlan skal gerast fyri breiðkanina av Argjavegnum úti við Støðna. Minnisvarðin má í tí sambandinum flytast. Hevði tað verið eitt uppskot, at gjørt eina minnislund nakrar fáar metur longri uppi, har gamli kirkjugarðurin hjá spedalskhospilatinum lá? - so kundi man reist eitt minnistekin fyri ta næstan gloymdu tíðina. 
- Eg haldi tað er synd, at søgan fer. Heldur skal hugnin, gomlu neystini og minnisvarðin varðveitast sum mest. Men vegurin og Støðnin skal sjálvandi dagførast og gerast meira dragandi fyri tey, sum dáma væl at sigla, fiska, svimja, fanga krabbar o.líkn. Tað er spell, at eingin fjørða er eftir, har vit fyrr kundu vassa, fanga krabbar og lyfta ein stein, bara fyri at hyggja, hvat lá undir. Vit fiska við hvørt við soninum úti við oljutangan við tráðu. Havi ofta hugsa, at tað hevði verið stutligari hjá størri børnum og vaksnum at fingið eitt ordligt seiðaberg, um man gjørdi ein lítlan pier sunnanfyri grótkastið.   Eitt annað er, at dekk leggjast á smala vegastykkið millu

Í heyst samtykti eitt einmælt løgting at veita ókeypis sálarfrøði til øll millum 15 og 35 ár, sum hava angist og tunglyndi.  Tað tykist løgið, at bjóða 20 árgangum hetta tilboð, men so ikki taka yngru børnini við. Tí ofta byrja avbjóðingarnar nógv fyrr.  Eg gangi nógv meira inn fyri, at vit arbeiða fyribyrgjandi og seta inn tíðliga. Alt bendir á, at tíðliga innsatsur gevur bestu úrslit. Tí fari eg at arbeiða fyri, at kommunan tekur um endan og bjóðar ókeypis sálarhjálp til yngru børnini eisini.    Bjørg Dam  Valevnið Javnaðarfloksins til býráðsvalið í Tórshavnar kommunu  

Næstan øll børnini í Skúlanum á Fløtum gingu gleðisgongu niðan í nýggja flotta skúlan. - Tey, sum ikki vóru við í gleðisgonguni eru serskúlabørnini, sum dagliga ganga í Gula Skúla. Hesi fara ístaðin at ganga gleðisgongu úr Gula Skúla og út í gamla Argjaskúla, har tey í næstum fáa fantastiskar læru- og menningarumstøður við svimjihyli, fimleikahøll, fótbóltsbana, náttúruperluni Sandágerð o.a.beint við. Hettar er avgjørt og stórt rós til býráðið fyri tað. Við hesum hevur Tórshavnar kommuna fingið ein sera góðan virðiligan serskúla á Argjum, sum ger eitt megnar arbeiði fyri børn, sum tørva sernámsfrøði og karmar uttanfyri fólkaskúlan MEN, tá tað so er sagt, so byrjar arbeiði nú at fáa serflokkar inn í Skúlan á Fløtum og allar hinar stóru skúlarnar í kommununi. Serflokkar eru fíggjaðir av landinum, men tað eru kommunurnar, ið skula útvega skúlastovurnar. - Hví skula børn í Tórshavnar kommunu ikki fáa sama tilboð sum børn kring alt landið fáa?? Býráðið hevur sovið í tímanum, og tí lat skúli

Í fjør skrivaði eg sum býráðslimur, hesa áheitan til teknisku nevnd, út frá viðmerkinum eg fekk frá borgarum. Tað fyrsta punktið er broytt eftir tilmælinum, men hini eru enn ikki. Eg fari framhaldandi at arbeiða fyri einari nógv betri bussleið. 1: -  Við at koyra hinvegin runt um Ovaru Hoyvíkina (niðan eftir Løgmannabreyt og runt klingruna norðeftir) høvdu busssteðgistøðini verði á somu síðu, sum flest allir stovnar, og tí høvdu brúkarnir sloppi undan at ganga yvirum vegin.  Viðmerkingar: Tad er vid bivandi hjarta, at eg sendi mín son avstad vid bussinum nú, tey skulu yvirum VeginLanga við Hoyvíkar Skúla. Og eg tori ikki at hugsa um tá myrku vetrarmorgnarnar vid regni og ringum sýni 😟 -Bussurin steðgar mótsattu síðu Hoyvíkar skúla og børnini skula gang a yvirum vegin. Nú er busssteðgistaðið flutt, soleiðis at børnini skula ganga longri. 2: Skúlarnir  á Velbastað og Kaldbak áttu at haft møguleika at tilkalla kommunala koyring í hóskandi akfari til undirvísingartímar sum ikki er á staðn

  Tað skal verða gjørligt at búleikast uttan bil í Tórshavnar kommunu.    Í fjør spurdi eg á mínum facebookvanga, hvussu bussleiðin kundi betrast á teirra øki. Fleiri skrivaðu tá, og nú eg spyrji aftur, er ikki nógvur bøtt. Foreldur muga koyra og heinta børn alt ov ofta, tí tað er torført at fáa fáu túrarnir at passa. Eisini er skúlagongdin darvað av ringa busssambandinum. Tað tekur børnunum 3,5 tímar at fara til Havnar at svimja í 1 tíma.  Undirvísingartímar av bygdini, tiltøk og túrar kosta ov mikið í bíðitíð. Tað gongur út yvir børnini og er ikki nøktandi. Hettar fari eg at gera nakað við beinanvegin!   Fleiri fólk úr norðaru bygdunum hava ynskt, at bussurin koyrir eftir Vegnum langa heldur enn Hvítanesvegnum, tí so nógv virksemið er eftir vegnum og niðaneftir. Hettar eigur ikki at verða nakar trupulleiki at framt beinanvegin.  Um eg verið vald, fari eg eisini at kanna, um skúlar skula hava møguleika at tilkalla koyring í hóskandi akfari. Í vikuskiftinum steðga bussarnir at koyra kl

  Seinast í 1980’unum droymdi eg um, at kunna taka bussin frá Støðni, har eg vaks upp, og niðan á AB vøllin at sparka. Nú eru so Hamarin, Kongavarði og Klingurstjørn komnar afturat. -Ongantíð hevur tað verið týdningarmiklari at hugsa at samanbinda bussambandið, so Argir kann verða ein samanhangandi eind, og børnini kunna fara í skúla og á vøllin við bussi. Tað eigur sjálvsagt at verða eitt grundprinsipp við bussinum, at børn í býlinginum kunna taka bussin aftur og fram í skúla og til stóru ítróttarøkini. Eisini skula gøtur skula ganga oman, niðan og yvir, so tað er trygt at ferðast til gongu og á súkklu úr enda í annan. Gongur gøtan yvir ein veg, skal ein góður gonguteigur hjálpa gongufólkinum yvirum trygt. Lítið er broytt niðrið á Argjum og hetta til valið, fari eg at skriva um mínar hugsanir um dagføringar. Tað verið seg um heildarætlan av vegabreiðkan, seiðaberg í Støðni, minnisvarðin o.a.. Situr tú inni við einhvørjum vil eg fegin hoyra. Ring ella skriva á tlf 211428 /

Ja, tað ber væl til um viljin er tilstaðar. - Treytir eru: -At tað er skjótt og stutt til endurnýtslustøðir, sum vera settar upp ymsastaðir í kommununi.   -At handilsvinnan fær fíggjarligan fyrimun við at lata skilt rusk inn, líkasum IRF hevur gjørt í fleiri ár. -At avtala verður gjørd við biogassverkið Førka, um at taka ímóti lívrunnum húsarhaldsburturkasti. -At kommunan ger eina endurnýtslumóttøku við upphøggi og sølu av eitt nú byggitilfari og eykalutum til bilar o.líkn. Í dag verður alt urtagarðstilfar tyrvt! - Eg vil, at allur urtagarðsvøkstur skal komposterast til mold, flisast, trø og greinar turkast, so borgarin kann keypa tað bíligt aftur. Umhvørviságóðin er stórur , men eisini sosialur vinningur er, tí kommunan saman við Dugna ella líknandi stovni, skapar nógv góð og meingingsfull størv. Búskaparligi vinningur skal ikki undirmetast, tá vit leingja um livitíðina á lutum og minka innflutningin! Kommunur aðrastaðir hava í nógv ár tikið hesa ábyrgd, nú er tað okkara tørn. Eg b

Tá illgruni er um diagnosu, skal serligt fakfólk beinanvegin á banan og hond skal takast um familjuna. -Soleiðis geva vit børnunum bestu fortreytir at mennast og læra í einum umhvørvi, ið møtir teimum. Eisini lætta vit um hjá foreldrum, avvarandi og starvsfólkunum á stovnum og skúla. Umleið 5% av børnum hava ADHD/ADD og 1% hava autismu, tí er manglandi ella alt ov sein útgreinan, nakað flest øll starvsfólk innan barnaøkið kenna. Tað eru námsfrøðingar í starvi hjá kommununi, sum hava stóru uppgávuna at siga frá, tá børn ikki mennast aldurssvarandi, og tá tey tiltøkini teir seta ígongd ikki hjálpa barninum nóg mikið. Námsfrøðingarnir senda fyrst boð til Barna & ungdómsdeildina (B&U). B&U kemur við sínum sernámsfrøðiligu amboðum og møguliga verða nakrir eyka tímar settir inn. Hevur barnið ADHD/ADD ella autismu, so vil hettar átakið ikki hjálpa. Tí talan er um menningarólag, sum krevja útgreinan á psykiatriini. Ein diagnosa ger, at børnini fáa viðgerð frá heilsuverkinum og/ell

Nógv tora illa at ganga úti í ferðsluni, tí farleiðin er ov ótrygg. Nógv foreldur tora illa ella als ikki, at lata børnini ganga sjálvi og koyra heldur børnini í skúla, til ítriv o.a. Koyristólsbrúkarar og illa gongd kunna ikki ferðast í pørtum av kommununi, vegna manglandi gonguteigar og ov høgar kantsteinar. Bilarnir fylla nógv og tá Eysturoyartunnilin letur upp verður uppaftur verri! Tí eg ynski nýggjar, betri merktar og upplýstar gonguteigar. Eisini skula serligir gonguteigar verða við gongufólkaknútapunkt, so sum busssteðgistøð, skúlar, dagstovnar, ítróttaanlegg við meira.  Vit eiga at hyggja út í heim eftir, hvussu onnur lond uppmerkja sínar gonguteigar, tí sjálv visuella effektin við uppmálingini er ein partur av loysnini at skapa størri ans og virðing fyri sjálvum gonguteigum og gongufólki. Tað skal verða trygt og gott at ganga hjá øllum! Tú kanst hjálpa við at seta sjóneykuna á gonguteigar, hetta við at taka myndir av gonguteigum, ið onkusvegna eru merkisverdir. Tað kann verða

Leinkja til serflokkar   Í juni var eg vil at senda innarliga áheitan til Tórshavnar kommunu um at finna pláss til serflokkar inni í nýggja skúlanum á Fløtum. Tí gjørdi eg saman við ADHD felagnum býráðið og kommununa varuga við hetta. Hetta fyri, at tey høvdu ein møguleika at arbeiða skjótt og finna pláss til serflokkar, áðrenn skúlin skuldi lata upp. Men tað er tíverri eingin vilji til tess, og nú letur skúlin upp uttan at serflokkar eru inni í skúlanum! Hóast, -Nýggi skúlin á Oyrarbakka, sum júst er upplatin hevur serflokkar. -Nýggi skúlin sum lat upp fyrr í ár í Klaksvík eisini hevur serflokkar. -Skúlin í Vestmanna í ár fyri fyrstuferð hevur 2 serflokkar. -Skúlin í Sørvági í fjør tók niður gomlu serflokkastovurnar fyri at byggja upp nýggjar og betri innrættaðar, soleiðis at børnini skuldi fáa bestu læruumstøðurnar. -Lærarafelagið og pedagogfelagið vórðu spurd til tiltakið Megnartak í fjør, og tóku bæði undir við skipanini um serflokkar. Kunngerðin um serflokkar varð lýst í fjør, og

Kommunan skal bjóða hóskandi tal í av tillagaðum størvum og útbúgvingarmøguleikar til fólk við skerdum førleikum, ella sum av onkrari orsøk hava tørv á hjálp við at koma á arbeiðsmarknaðin. Nú sitandi meiriluti í løgtinginum er í gongd við at gera umstøðurnar verri hjá fólkum í tillagaðum starvi, er tað enn týdningarmiklari at kommunan betrar um tilboðið, og orðar ein starvspolitik um tillagaði størv og starvsvenjing.  Hetta kann gerast við at seta krav um at eitt hóskandi tal av fólkum skula verða í tillagaðum starvi í kommununi. Vit gerast ein betri og ríkari kommuna, um vit syrgja fyri, at borgarar kunna hava eitt virðiligt, trygt og so langt arbeiðslív sum gjørligt. Tað hevur ikki einans sera stóran týdning fyri lívsgóðskuna hjá tí einstaka, men eisini hjá restina av familjuni. Eg fari at tryggja fleiri tillagaði størv í kommununi, fái eg sæti í býráðnum. BjørgDam.fo Valevni á lista C

-Eitt av stórmálunum hjá Javnaðarflokkinum til býráðsvalið eru lutaíbúðir. - Eg vil skoyta uppí, at hesar skula eftir mínum tykki verða grønar íbúðir bygdar eftir nul-orkunýtslu prinsippi og við felags skilji- og endurnýtslu støð. 🌱 Lutaíbúðir eru ein uppløgd fíggingarskipan eitt nú til eldraíbúðir, sum hevði skapt eitt tiltrongt bústaðarrensl, har eldri flyta í minni og barnafamiljur kundu flutt í størri. Eg kann seta eitt dømi upp: -Um eldri borgarin fær 3 mil fyri at selja síni hús og skal rinda 1.000.000 kr í innskoti til eina lutaíbúð + eitt fast mánaðargjald á kr. 8.000kr. -So hevur hann 2 milliónir í reiðum peningi og situr sostatt í einari nýggjari hóskandi íbúð, sum ikki krevur størvegis ábøtur restina av lívinum. Og sum kostar minimalt í orkuútreiðslum. 2 mil. røkka til meir enn 20 ár í mánaðargjaldi. Fleiri hús á marknaðinum eigur at fáa prísin niður, soleiðis at ungar barnafamiljur fáa ráð at keypa hóskandi hús. 💕 Bjørg Dam 🌹 Valevni Javnaðarfloksins til býráðsvalið í

Brennistøðin á Sandvíkarhjalla brennir í dag nærum 100% av brennikapasitetinum! Í staðin fyri eina nýggja brennistøð fyri meir enn eina hálva milliard, so skula vit taka ábyrgd fyri umhvørvinum og brenna minni og endurnýta meir! Tað er at taka umhvørvisatlit og virða náttúruna! KOMMUNUVAL 2020 Eg brenni fyri, at vit brenna minni. Eitt høgt, men ikki ógjørligt boð er, at vit skulu brenna 50 % minni áðrenn 2030!    Hvussu koma vit higar, kanst tú spyrja?   Fyrst mást tú velja meg, eina eldsál, í býráðið 10. november!    Endamálið við hesari greinini er at lýsa avbjóðingina og vísa á, at vallyftið er ikki ógjørligt.    Beinleiðis endurnýtsla  er góð! Um eg ikki kann brúka tað, so kann helst onkur annar! Borgarin, vinnan og felagsskapir eru lykilin til beinleiðis endurnýtslu, sum vit kenna tað við Dugna, Blákross, Reyðakross og Iktys, hesir gera eitt fantastiskt arbeiði í dag.    Uttanlands kenna vit býtistøðir í grannalagnum, har tú setir tað, tær ikki tørvar meir. So kann onkur annar tak

  🌱 Vel eitt nýtt grønt samhaldsfast andlit í umboðsráðið hjá Betri! 🌱  Míni hjartamál eru :  💚GRØNARI ganga fremst í orkuumskiftinum 💚SAMHALDSFAST og betri, øll hava ráð til 💚SAMFELAGSSINNI stuðla m.a. ADHD og sálarheilsu 💚FJØLTÁTTARI tryggja trivna og fjølbroytni 💚ÁBYRGDARFULT gera íløgur í føroyska samfelagið. 💚TÆNASTUSINNI minimera avgjøld, rakstur og meirkostnað. 💚DREYMAR til veruleika hjá húsakeypara, íverkseta og fiskimanni. 💚TRYGGJARI í ferðslu og á sjógvi 💚BETRI fyri viðskiftafólk og starvsfólk.   Stutt um meg: Eri 44 ára gomul av Argjum, og búgvi nú í Birnugøtu á Ternuryggi við manni og trimum børnum. Eri sjálvstøðug vinnurekandi, útbúgvin eksportteknikari og bachelorur í føroyskum. Eri forkvinna í ADHD felagnum, aktiv politiskt og brenni fyri umhvørvinum. 👋 Eg ynski at gera mína ávirkan galdandi í umboðsráðnum, umboðandi teg, sum tryggingartakara í Betri trygging. 🌱 Øll fáa valkort sendandi við postinum. Til ber at velja talgilt ella við brævi frá 14.-28.se

Hví eru vit nú í hesari støðuni, har borgarin í Tórshavnar kommunu, stendur sum stóri taparin í málinum um tunnilsgrótið. Ístaðin fyri eitt     flott inntøkugevandi vinnuøkið við streymasjógvi á Gomlurætt, fáa vit ístaðin 30.000 fultlessaðar lastbilar í gjøgnum Havnina, náttúran á Velbastað verður ongantíð tann sama og vit standa við dálkingini og rokningini. Sami Bogi Andreasen, sum varð frammi undan summarfrítíðina í fjør og segði, at einans 1,5-2 milliónir skiltu Tórshavnar kommunu og Tunnilsfelagið frá einari semju, um at nýta grótið til vinnuøki, stóð í gjár og kærdi sína neyð. Nú fær hann einki gjørt, avleiðingarnar eru blivnar so ógvusligar, og standa als ikki í mát við tær 1,5-2 mlliónirnar, sum varð í millum partarnir tá. Hettar gruggar málið, og eri eg als ikki trygg við, at býráðið tekur skilagóðar avgerðir! Tí haldi eg, at borgararnir Tórhavnar kommunu og vit, sum sótu í býráðnum og stríddust fyri at fáa vinnuøki, hava krav at vita, hví ein semja ikki kundi fáast. Og hvar e

Nú skúlarnir byrja aftur, eri eg sera glað at frætta, at Vestmanna skúli hevur fingið serflokkar. Nú fáa børnini við avbjóðingum so sum ADHD og autismu í Vestmanna eitt gott og nøktandi skúlatilboð inni í skúlanum, saman við vinum og tí kenda.    Í heyst stendur føroya størsti fólkaskúli, Skúin á Fløtum liðugur.  Men tíverri hevur Tórshavnar býráð ikki sæð tað neyðugt at gera karmar ella pláss fyri serflokkum inni í stóru glasborgini á Fløtum, hóast har fara at ganga yvir 700 næmingar!  Tað er hugstoytt at hugsa, hvussu nógv børn ikki fáa nøktandi skúlatilboð í Tórshavnar kommunu! Tað er ein skandala av teimum ringastu, og tað undirstrikar, hvussu lítið innlit í serøkið og, hvussu lítla raðfesting børn við avbjóðingum hava í Tórshavnar býráð.   Tað eru 6 skúlar í Tórshavnar kommunu við fleiri enn 200 næmingum og bert ein hevur serflokkar inni í skúlanum, tað er Hoyvíkar skúli. Í restina av Føroyum eru 11 fólkaskúlar við uml. 200 næmingum og uppeftir, harav hava nú 7 skúlar serflokkar.

Nú fór Runavíkar kommuna avstað við restina av grótinum úr Sandoyartunnilinum Suðurstreymoyarmegin, og nógv okkara í Tórshavnar kommunu standa spyrjandi við høkuni í fanginum! Runavíkar kommuna breggjar sær av røttum í tíðindastubba 26.juni við, at teir í samstarvi við Tunnilsfelagið ynsktu at brúka milliónagrótið til okkurt skilagott, ístaðin fyri at tyrva tað! – Nú er semja funnin, um at brúka grótið til at víðka um havnarlagið.

Opið bræv til Jenis av Rana, landsstýrismann í mentamálum, Hjalmar Hansen stjóra í Undirvísingarstýrinum, Gunnvør Balle forkvinnu í mentamálanevndini í Tórshavnar býráð og Sigurð Ó. Vang, deildarleiðara í mentamálanevndini í Tórshavnar kommunu. Vit í ADHD-felagnum harmast stórliga at frætta, at føroya størsti fólkaskúli sum ikki stendur liðugur enn, Skúlin á Fløtum ikki hevur serflokkar inni í skúlanum, og vilja tí heita á tykkum avvarandi mynduleikar og politikarar, um at arbeiða skjótt og finna pláss, og skipa serligt undirvísingartilboð til tríggjar serflokkar, ein til grunddeild, ein til miðdeild og ein til hádeild eftir kunngerðini frá 19.03.2019 um at skipa serligan skúla ella undirvísingartilboð. Hettar er ein syndarlig og døpur støða, tá hugsað verður um, at tað var longu í november 2013 at táverandi landsstýrismaðurin í mentamálum, Bjørn Kalsø setti ein arbeiðsbólk at endurskoða sernámsfrøðiliga økið í fólkaskúlahøpi, sum kom til ta niðurstøðu, at