Appir á teldlum eru sera hent og góð amboð at læra smábørnum um litir, mál, formar, ljóð og annað.
Trupulleikin er, at nærum alt tilfarið er á øðrum máli enn føroyskum. Tí læra okkara børn litir, formar, djór og annað fyrst á øðrum máli, enn móðurmálinum, tá tey sita við teldli og spæla.
- Tað er jú gott, at læra fremmandamál, ella?
At duga sítt móðurmál væl og virðiliga áðrenn ein lærir eitt fremmandamál,
gevur besta málførningin í lívinum sambært málvísindini. Tað vil siga,
at barnið skal fáa eitt breitt orðafeingi og duga at seta orðini saman í setningar á
móðurmálinum, gevur barninum bestu møguleikar at skilja verðina og kunna seta orð á sínar tankar.
Gott málfeingi er grundarlagið fyri at lesa, fært tú ikki hesa barlast í smábarnagávu, vera tínir møguleikar avmarkaðir, longu frá smábarni av!
Gott málfeingi er grundarlagið fyri at lesa, fært tú ikki hesa barlast í smábarnagávu, vera tínir møguleikar avmarkaðir, longu frá smábarni av!
Sum bachelor í føroyskum við áhuga í málmenning og stórum ynski um, at børn skula fáa so góða grund at byggja sítt mál á, fari eg at arbeiða fyri nógv hægri raðfesting av smábarnatilfari.
Serliga tilfar á teimum platformum børnini eru í dag, á teldlum!
Tí skula føroyskar appir raðfestast høgt, umframt barnabøkur, tónleik, filmar, barnatilfar í KVF, ljóðbøkur og annað.
Bjørg Dam
Valevni Javnaðarfloksins
Heimasíða: bjorgdam.blogspot.com