Flestu av teimum møttu vóru íbúgvar í Poul Juelsgøtu, gøtuni omanfyri. Sum limur í bygginevnini, var eg áhuga at hoyra, hvat grannarnir halda og hvat teir stúra fyri.
Hettar er ein gomul verkætlan, sum Elin Lindenskov fekk sett í gongd seinastu býráðssetu.
Svimjihøllin hevur í nógv ár verið alt ov lítil til stóra og fjølbroytta virksemi. Byggingin skal eftir ætlan byrja á sumri 2020 og fer at taka eini 2 ár.
Hettar er ein stór byggiverkætlan, har tað bæði skal spreingjast og flytast nógv tilfar frá og byggitilfar til, so sjálvandi fer hettar at ávirka grannarnir nógv. Tað var eisini til spreinging og sjálva byggingina at fleiri spurningarnir vóru, umframt støddina á nýggja partinum. Sjálvt útsýni missa teir ikki nakað stórvegis av, tí tekjan verður javnt við lægru tekjuna í dag. Allir spurningar vóru væl svaraðir, og tað var við góðum kortum í hondini, at umsitingin kundi vísa til Stórhøllina, ið liggur beint við. Tí teir hava fyri kortum staðið fyri stóru útbyggingini, har spreinging og byggingin er sera væl úr hondum greidd - Ein tók til, at nú er Høllin á Hálsi nógv flottari enn hon var áðrenn.
Tað er sera týdningarmikið at hava kunningarfundir, har borgarnir fáa høvi at spyrja og gera sína ávirkan galdandi, tí teir skula hóast alt búgva har, bæði í byggirokinum og aftanná - eisini kenna teir økið best.
Allir spurningar og ivamál blivu svaraði væl og virðiliga, og avrátt varð, at tá verkætlanin er komin eitt sindur longur, verður eigarafelagið kunnað og hoyrt aftur.
Nú verða svimihentleikarnir so at siga perfektir. Eisini er týdningarmikið at raðfesta aðar funktiónir inn, sum eru góðar fyri breiddina av borgarunum. Sjálv haldi eg tað er týdningarmikið at høllin verður betri fyri smærri børn, kanska við einari lítlari spæliborg, sum vit kenna tað aðra staðir frá. Eitt betra vælveruøki úti og inni eigur eisini at verða raðfest. Men skal tað verða hitapottar, heitur hylur, kaldur havvatnshylur, dampbað, gosbað... osf ?? - Møguleikarnir eru nógvir! Týdningarmikið hjá bygginevndini er, at kanna allar møguleikar, fyrimunir, vansir, útveganarkostnað, rakstarkostnað, nýtsluvirði og nýtslu. Allir tankar skula upp at venda. Hvat heldur tú? Liggur tú inni við ynski og hugskoti, hoyri eg fegin. Øll eru sera góð við svimjihøllina, men tað eru ikki øll, ið vitja hana, tíverri. - nýggja høllin verður enn betri og fara fleiri borgarar at gera gagn hav henni, eru vit eydnast.
