Skip to main content

POLITIKO: Framløga um list og mentan í Reinsaríinum 22.8.2015


Gott kvøld kæru áhoyrarar, valevnið og stigtakarar.

Í einari kanning um málmenning hjá smábørnum í Føroyum, fingu børnini eina mynd av einum pengvini og eina mynd av einum lunda. Næstan øll kendu pengvinin, men bert nøkur fá kendu lundan.

Eg fari at lata hattar standa hangandi eina løtu. …!  

Í heildarætlanini fyri fólkaflyting og fólkavøkstur, stendur leystliga, at okkara samfelag hevur ikki siðvenju fyri at raðfesta mentan og list.
 
Er hettar nú eisini rætt, tí vit duga øll væl at syngja, vit halda sera fast í okkara matmentan og rættin at drepa grind, at binda, og eitt hvørt heim hevur ein málning á bróstinum, av heimbygdini ella sluppini. Vit raðfesta okkara mentan sera høgt.

Trupulleikin er, at vit hava ikki stóra siðvenju at rinda fyri mentan og mentan.

Tí hava vit heldur ikki stóra siðvenju at hugsa um list og mentan sum vinnu, ei heldur at stuðla mentan alment.

List og mentan er sostatt ein av okkara stóru vinnumøguleikum, serliga nú ferðavinnan tekur dik á seg. Tí muga vit sjálvandi seta meira pening í mentan og list, tí tummilfingurreglan er, at fyri hvørja krónu vit koyra í list og mentan, gevur fýrfaldað aftur.

Eisini eru tað list og mentan sum er grundarsteinurin undir trivnaði í landinum, og hava ein sera avgerandi týdning fyri menning og nýskapan.  Skapandi vinnur spretta ikki úr ongum.

Tí er tað ein hugburðsbroyting, sum skal til.  – Eg haldi tó vit eru ávegis.
Heildarætlanin fyri fólkaflyting staðfestir eisini, at viðurkenning av týdninginum av mentan og list skal og má til.  Virðing er ein fortreyt fyri, at list og mentan skulu raðfestast bæði politiskt og alment.

At mentannargrunnur landsins varð skerdur við 20 %, vísir, at virðingin, íhvørtfall politiskt, er minkað seinastu árini.
Javnaðarflokkurin hevur fleiri ítøkilig átøk frama fyri list og mentan í valskránni. Her eru nøkur :
Játtanin til mentanargrunn landsins verður økt við 5 milliónum í valskeiðinum
Økja framleiðsluna av ljóðbókum, telduspølum og líknandi tilfari til børn á føroyskum.
Framleiðsla av tíðarhóskandi føroyskum undirvísingartilfari
Miðjað verður eftir, at álitið um filmslist skal setast í verk.
Yrkislist skal hava betri sømdir


Aftur til kanningina í byrjanini…
 - hví munna føroysku børnini kenna pengvinar men ikki lundar?

Eitt boð er, at tey alramest síggja teknifilmar, eitt nú Pingo, og útlenskar bøkur, spøl, appir og annað tilfar, sum einans hava útlendsk myndaevnið í.

Í hvørtfall vísir tað okkum, at tað, sum er í nærumhvørvinum hjá børnunum, er longst burtur í hugaheiminum. Ímeðan tað, sum er longst burtur, hinumegin jarðkúluna, er kendari og tættari í hugaheiminum hjá børninum.  

Mál, samleiki og tjóðarskapartilhoyr skapast fyrstu árini hjá barninum. Tí er tað so sera týdningarmikið, at listarfólk sleppa til verka, og skapa ein føroyskan veruleika hjá okkara børnum.



Popular posts from this blog

Eik stuðlar Stella Polaris komandi 4 árini

Óskar Eiriksson, Bjørg Dam, Ólavur Jensen, leiðari á Marknaðardeildini hjá Eik, Malan Thomsen og Uni Árting. Musikkskúlanevnd Tórshavnar Býráðs undirskrivaði hósdagin 6. oktober 2016 eina 4 ára høvuðsstuðulsavtalu við Eik um tónleikakappingina Stella Polaris. Avtalan er framhald av stuðulsavtaluni, sum Eik og Musikkskúlanevndin hava havt, síðan Stella Polaris byrjaði. Endamál Stella Polaris er kapping, sum vendir sær til børn og ungar klassiskar tónleikarar, sum hava hug og dirvi at royna seg í kapping. Kappingin Stella Polaris varð á fyrsta sinni hildin í februar 2014 og á øðrum sinni í februar 2015. Kappingin hevði bæði árini stóra undirtøku millum tónleikarar, og hetta vísir okkum, at tørvur er á slíkari kapping í Føroyum. Arbeiða við at betra konseptið.  Vit í Musikkskúlavevndini eru tí sera fegin um framhaldandi stuðulsavtaluna við Eik. Hetta ber í sær, at Stella Polaris nú er komin í eina fasta legu og er framtíðartryggjað tey næstu 4 árini. Vit arbeiða áhaldandi við at betr

Stolt foreldur!

Sum forkvinna í ADHD felagnum og vit bæði, sum avvarandi foreldur eru sera sera errin av, at fáa høvi at leggja bil til og koyra fremst í Pridini, sum var í gjár. Vit sum foreldur hjá barni við ADHD kenna væl kensluna av, at ikki kenna seg rættan, ikki nóg góðan

Áheitan um at finna pláss til og fígging til serflokkar á Skúlanum á Fløtum.

Opið bræv til Jenis av Rana, landsstýrismann í mentamálum, Hjalmar Hansen stjóra í Undirvísingarstýrinum, Gunnvør Balle forkvinnu í mentamálanevndini í Tórshavnar býráð og Sigurð Ó. Vang, deildarleiðara í mentamálanevndini í Tórshavnar kommunu. Vit í ADHD-felagnum harmast stórliga at frætta, at føroya størsti fólkaskúli sum ikki stendur liðugur enn, Skúlin á Fløtum ikki hevur serflokkar inni í skúlanum, og vilja tí heita á tykkum avvarandi mynduleikar og politikarar, um at arbeiða skjótt og finna pláss, og skipa serligt undirvísingartilboð til tríggjar serflokkar, ein til grunddeild, ein til miðdeild og ein til hádeild eftir kunngerðini frá 19.03.2019 um at skipa serligan skúla ella undirvísingartilboð. Hettar er ein syndarlig og døpur støða, tá hugsað verður um, at tað var longu í november 2013 at táverandi landsstýrismaðurin í mentamálum, Bjørn Kalsø setti ein arbeiðsbólk at endurskoða sernámsfrøðiliga økið í fólkaskúlahøpi, sum kom til ta niðurstøðu, at