Uppgávan hjá kommununi tá tað kemur til bústaðir er m.a., at útvega jørð til privat fólk og fyritøkur at byggja á og skipa byggisamtyktirnar.
Sitandi býráð, hevur leingi arbeitt við at bøta um bústaðarmøguleikarnar í kommununi, og hetta sæst aftur í øllum verkætlanunum, ið eru í gongd. Í 2020 verða tað sostatt yvir 500 nýggir bústaðir í Tórshavnar kommuni.
Eg haldi, vit skula raðfesta eldra- og lestrarbústaðir hægst, tí ungdómurin tímir ikki at búgva heima hjá mammu og babba, og tí velja summi at flyta av landinum. Ein háttur er, at tey ungu fáa møguleika at leiga lestraríbúðir, tá verða tey eggjaði at fara í læru ella í skúla.
Okkara eldru borgarar skula hava eitt serligt felagsbústaðarøki, har tey hava atgongd til størri felagshøli, felags køk og matgerð og neyðuga hjáp, um tørvur er á tí. Bústaðirnir skula verða hóskandi í stødd, prís og við atliti til viðlíkahaldskravi. Við hesum verða fleiri størri hús tøk á marknaðinum, til tær stóru familjurnar at flyta inn í.
Javnaðarflokkurin fer framhaldandi at slóða fyri bústaðarbyggin, soleiðis at øll fáa ein virðiligan bústað.
Kom við okkum til 2020.